రాష్ట్ర ప్రభుత్వం తాజా వివరాలతో విడుదల చేసిన 'స్టాటిస్టికల్ అబ్స్ట్రాక్ట్-2009' సంచికలో పొందుపరచిన గణాంకాల ప్రకారం.. 2008-09లో రహదారుల పొడవు, విద్యుత్ కనెక్షన్ల సంఖ్య, లోడ్ వివరాలు ఇలా ఉన్నాయి...
 అన్ని కేటగిరీల్లోని విద్యుత్ సర్వీసుల సంఖ్య ఏడాదిలోనే సుమారు 12లక్షల పైగా పెరిగాయి. 2007-08లో సుమారు 3.56 కోట్ల కిలోవాట్ల విద్యుత్తు లోడు నమోదు కాగా.. 2008-09(మార్చి వరకు)లో సుమారు 3.83 కోట్ల కిలోవాట్లు నమోదైంది. * రంగాల వారీగా విద్యుత్తు కనెక్షన్లు, లోడు పరిగణనలోకి తీసుకుంటే ఉత్తరాంధ్రలోని శ్రీకాకుళం, విజయనగరం, తెలంగాణలోని మహబూబ్నగర్, ఆదిలాబాద్, నల్గొండ జిల్లాలు అత్యంత వెనుకబడి ఉన్నాయి. * గృహ విద్యుత్తు కనెక్షన్లలో గుంటూరు జిల్లా అగ్రభాగంలో ఉంది. ఆ తర్వాత వరుసగా రంగారెడ్డి, హైదరాబాద్, తూర్పుగోదావరి, కృష్ణా జిల్లాలున్నాయి. * పారిశ్రామిక కనెక్షన్లు, లోడ్లో రంగారెడ్డి, నెల్లూరు జిల్లాలు తొలి రెండు స్థానాల్లో ఉన్నాయి. హైదరాబాద్ కంటే కృష్ణా జిల్లాలో పారిశ్రామిక కనెక్షన్లు, లోడ్ ఎక్కువగా ఉండటం గమనార్హం.  |
 రాష్ట్రంలో అన్ని రకాల రహదారులు 1,96,191 కి.మీ. మేర ఉన్నాయి. ఇందులో జాతీయ రహదారులు 4,645 కి.మీ., ఆర్అండ్బీ ఆధీనంలో 64,404 కి.మీ., పంచాయతీరాజ్ ఆధీనంలో 1,27,142 కి.మీ. ఉన్నాయి. * జాతీయ రహదారులు అత్యధికంగా చిత్తూరు జిల్లాలో 528 కి.మీ. ఉండగా రాష్ట్ర రాజధానిలో 36 కి.మీ. మాత్రమే ఉన్నాయి.  |
