స్టెయిన్లెస్ స్టీల్ ఉత్పత్తులపై యాంటీ డంపింగ్ డ్యూటీ
న్యూఢిల్లీ: వినియోగ వస్తువులు, ఆటో పరిశ్రమలలో వాడే స్టెయిన్లెస్ స్టీల్ దిగుమతులపై ప్రభుత్వం టన్నుకు 2,254 డాలర్ల మేరకు పన్నులు విధించింది. ముఖ్యంగా ఈ ఉత్పత్తులు అమెరికా, యూరప్, చైనాల నుండి దిగు మతి అవతున్నాయి. స్టెయిన్లెస్ స్టీల్ దిగుమతులు ఎక్కు వగా ఉన్నందువల్ల దేశీయంగా వీటిని తయారు చేస్తున్న సంస్థలు నష్టాల పాలవుతున్నాయని, దీనిని వెంటనే అరి కట్టాల్సి ఉందని వాణిజ్య మంత్రిత్వ శాఖ ప్రత్యేక విభాగం ఆర్ధిక మంత్రిని కోరింది. దరిమిలా ఈ చర్య తీసుకున్నారు. సాధారణ ధర కంటే తక్కువగా స్టెయిన్లెస్ స్టీల్ కోల్డ్ రోల్డ్ షీట్లు భారత్కు దిగుమతి అవుతున్నాయి.ఇతర రకాల స్టెయిన్లెస్ స్టీల్ ఉత్పత్తులపై యాంటీ డంపింగ్ డ్యూటీ టన్నుకు 2254.69 డాలర్లకు పెరిగింది. ఓటోకుంపు, పోస్కో వంటి సంస్థలతో పాటు భారతీయుడైన ఆర్సెలర్ మిట్టల్ ఉత్పత్తులు కూడా భారత్కు భారీ స్థాయిలో దిగు మతి అవుతున్నాయి.చౌకబారు పెన్సిలిన్ దిగుమతుల బారి నుంచి దేశీయ పరిశ్రమలను కాపాడేందుకు చైనా, మెక్సికన్ కంపెనీలకు చెందిన ఉత్పాదనలపై కేంద్రప్రభుత్వం యాంటీ డంపింగ్ సుంకాలను విధించే అవకాశం ఉంది. ఈ మేరకు తగు చర్య తీసుకోవాల్సిందిగా యాంటీ డంపింగ్ అండ్ అలైడ్ డ్యూటీస్ డైరెక్టరేట్ జనరల్ కార్యాలయం వాణిజ్య మంత్రి త్వ శాఖకు సూచించింది.
