ప్రసాద్కు హైదరాబాద్కు బదిలీ అయింది. కంపెనీ అతిథి గృహంలో బస చేసిన ఆయనకు రాత్రి ఒక్కసారిగా ఛాతీలో నొప్పిగా అనిపించింది. వెంటనే వైద్యుడిని సంప్రదిద్దామనుకున్నా స్థానిక డాక్టర్ల అడ్రసులు, ఫోన్ నంబర్లు తెలియవు. దాంతో ఆ రాత్రంతా బాగా ఇబ్బంది పడ్డాడు.
అవసరమైన సమాచారం దొరక్క శ్రీకర్, ప్రసాద్ల మాదిరే ఎప్పుడో ఒకప్పుడు మనమూ ఇబ్బంది పడిన సందర్భాలు ఉండి ఉండొచ్చు. ఈ తరహా సమస్యలకు త్వరలో పరిష్కారం లభించనుంది. కేరళకు చెందిన డైరెక్ట్ ఇన్ఫో సిస్టమ్స్ (డీఐఎస్) సంస్థ మొబైల్ సంక్షిప్త సందేశ సేవ (ఎస్ఎంఎస్) రూపంలో ఇక అవసరమైన సమాచారాన్ని అందించే ప్రయత్నాల్లో ఉంది. దేశంలో ఏ నగరం, ఏ పట్టణంలో ఉన్నా అక్కడి షాపింగ్ మాల్స్, ఆసుపత్రులు, వైద్యులు, ఫార్మసీ దుకాణాలతో పాటు ఇతర అవసరమైన సేవన్నింటిని గురించిన సమాచారాన్ని ఎస్ఎంఎస్ ఐడీ సేవల ద్వారా వివరాలను అందించనుంది.
ఏం చేయాలంటే: ఉదాహరణకు తిరువనంతపురంలో షర్ట్ కొనాలనుకున్న వ్యక్తి మొబైల్ ద్వారా Direct (space) tvm (space) yp (space) shirts అని టైప్ చేసి 56070కు ఎస్ఎంఎస్ చేస్తే సరి. తిరువనంతపురం జిల్లాలోని వస్త్ర దుకాణాల వివరాలు తిరుగు ఎస్ఎంఎస్ ద్వారా ఆ వ్యక్తికి చేరుతాయి. ఇలా కావల్సిన సేవలు, ఉత్పత్తుల గురించి వివరాలను ఒకే ఒక్క ఎస్ఎంఎస్ ద్వారా డీఐఎస్ అందించనుంది. దేశంలోని ఏ ప్రాంతం నుంచైనా సరే సమాచారం తెలుసుకోవాలన్నా ఎస్ఎంఎస్ ఐడీ 56070 మాత్రం మారదు.
డీఐఎస్ సమాచారం ఎలా అందిస్తుందంటే: డీఐఎస్ ముందుగా దేశంలోని ప్రధాన నగరాలు, పట్టణాలలోని దుకాణాలు, కంపెనీలు, ఇతర వాణిజ్య సముదాయాలకు ఒక్కొక్కరికి ఒక్కో ఎస్ఎంఎస్ ఐడీని అందిస్తుంది. ఈ ఐడీలన్నింటినీ ఆయా హెడ్ కింద డేటాబేస్ రూపొందించి వర్గీకరిస్తుంది. సమాచారం కావలసిన వ్యక్తి ఎస్ఎంఎస్లో ఎక్కడ (పై ఉదాహరణలో తిరువనంతపురం టీవీఎమ్), ఏం కావాలో సూచిస్తూ (ఎస్ఎంఎస్లో షర్ట్) పంపిన సమాచారం మేరకు సంబంధిత హెడ్ కింద ఉన్న పూర్తి సమాచారం ఆ వ్యక్తికి ఎస్ఎంఎస్ల రూపంలో అందుతుంది. ఎస్ఎంఎస్ ఐడీ ఇచ్చేందుకు డీఐఎస్ ఒక్కొక్క వాణిజ్య సంస్థ, వ్యక్తుల నుంచి ఏడాదికి రూ.500 వసూలు చేస్తోంది. ఇందుకోసం డీఐఎస్ ప్రపంచవ్యాప్త పేటెంట్ హక్కులను కూడా తీసుకొంది.