2009-10 బడ్జెట్లో రక్షణ రంగానికి కేటాయించిన మొత్తం ఎంతో తెలుసా.. రూ.1,42,000 కోట్లు. విశేషమేమిటంటే.. ఇందులో 40 శాతం సొమ్ములు కేవలం గతంలో కొనుగోలు చేసిన సామగ్రి తుప్పు వదిలించేందుకే (నవీకరణ కోసం) సరిపోతుంది. రక్షణ రంగానికి అవసరమైన ఉత్పత్తులు, సాంకేతిక పరిజ్ఞానాన్ని కొనుగోలు చేసేందుకు 2002లో ప్రభుత్వం రక్షణ ఉత్పత్తుల సేకరణ పద్ధతి (డీపీపీ)ని ప్రవేశపెట్టింది. తాజాగా కిందటేడాది అందులో సవరణలు చేసింది. భారత రక్షణ పరిశ్రమలో ఇది ఒక విప్లవానికి నాంది పలికింది. ఆర్థిక, సాంకేతిక సామర్థ్యాలు పుష్కలంగా ఉన్న భారత పరిశ్రమలకు 'కొనండి.. (భారత్ను) తయారు చేయండి' కింద సాంకేతిక అంశాల కొనుగోలుకు అనుమతులు ఇచ్చింది. నవంబరు 1, 2009 నుంచి అమల్లోకి వచ్చిన ఈ కొత్త పద్ధతి ద్వారా సాంకేతికత మన దేశంలోకి తరలి వస్తుందన్నది భారత రక్షణ శాఖ అభిప్రాయం. మరోపక్క బహుళ జాతి, విదేశీ రక్షణ కాంట్రాక్టర్ల సహకారానికి భారత్ తలుపులు తెరచింది. అయితే వీరు 30 శాతం కాంట్రాక్టులను స్థానిక పరిశ్రమలతో కలిసి చేయాల్సి ఉంటుంది. తాజా నిబంధనలతో టాటా పవర్, ఎల్&టీ, మహీంద్రా&మహీంద్రా, భారత్ ఎలక్ట్రానిక్స్ వంటి కంపెనీలు ప్రయోజనం పొందనున్నాయి.70 శాతం రక్షణ సామగ్రి విదేశాల నుంచే స్వాతంత్య్రం వచ్చి షష్ఠిపూర్తి చేసుకున్నా రక్షణ రంగంలో మాత్రం మనది వెనక సీటే. వేల కోట్ల రూపాయలు వెచ్చించి రక్షణ సామగ్రిని కొంటున్నాం. ఇప్పటికీ 70 శాతం సామగ్రి అవసరాలకు మనం విదేశాలపైనే ఆధారపడుతున్నాం. అంటే బడ్జెట్లో రక్షణకు వంద రూపాయలు కేటాయిస్తే 70 రూపాయలు విదేశాలకే వెళ్లిపోతోంది. ఈ రాతను తిరగరాసి 70 శాతం సామగ్రిని స్వదేశంలోనే తయారు చేసుకునే లక్ష్యంతో ప్రస్తుతం అడుగులు పడుతున్నాయి. తాజాగా ప్రభుత్వం విదేశీ ప్రత్యక్ష పెట్టుబడులు(ఎఫ్డీఐ) పరిమితిని పెంచాలనే ప్రతిపాదనతో మరిన్ని మంచి రోజులు రానున్నాయన్న సంకేతాలు వెలువడుతున్నాయి.
ఇప్పుడిప్పుడే మారుతున్న పరిస్థితి
ప్రైవేటు, విదేశీ కంపెనీలకు ఆహ్వానం
పరిశోధన, అభివృద్ధికి తరలివస్తున్న విదేశీ పెట్టుబడులు
ప్రైవేటు రంగానికి వూతం
రక్షణ రంగంలో ప్రైవేటు రంగానికి 2001లో తలుపులు తెరచిన తర్వాత ఆ రంగంపై ప్రైవేటు కంపెనీలు అమితాసక్తిని ప్రదర్శించాయి. నూటికి నూరు శాతం భాగస్వామ్యంతో 26% విదేశీ ప్రత్యక్ష పెట్టుబడులకు ప్రభుత్వం అనుమతులిచ్చింది. మొదట్లో భారీ నిధుల దృష్ట్యా, రక్షణ అవసరాలు ఎప్పటికప్పుడు మారుతుండడంతో కంపెనీలు వెనుకంజ వేశాయి. అయితే గత 4-5 ఏళ్లలో అటు విదేశీ సంస్థలతోనూ, ఇటు ప్రభుత్వ రంగ సంస్థలతోనూ భాగస్వామ్యం కుదుర్చుకోగలిగాయి. భారీ స్థాయి కంపెనీలు అటు పరిశోధన, అభివృద్ధి(ఆర్&డీ)లోనూ; ఇటు మౌలిక వసతుల అభివృద్ధిలోనూ కాలు పెడుతున్నాయి. ఇప్పటిదాకా దాదాపు రూ.8000 కోట్ల విలువ చేసే కాంట్రాక్టులపై సంతకాలు జరిగాయని స్వయానా రక్షణ మంత్రి ఆంటోనీ వెల్లడించడం గమనార్హం. ఇపుడిక 74 శాతం ఎఫ్డీఐ పరిమితికి పచ్చజెండా ఊపితే ప్రైవేటు కంపెనీలకు ఆకాశమే హద్దుగా నిలవగలదు.
* బ్రిటన్కు చెందిన బీఏఈ సిస్టమ్స్తో కలిసి డిఫెన్స్ ల్యాండ్ సిస్టమ్స్ ఇండియా అనే సంయుక్త సంస్థను ఏర్పాటు చేసింది. తద్వారా ప్రధాన రక్షణ రంగ సరఫరాదారుగా మారాలని భావిస్తోంది.
* వచ్చే ఏడాది ప్రథమార్థం నాటికి రక్షణ రంగ అవసరాలను తీర్చగలిగే విధంగా నౌకా నిర్మాణ సామర్థ్యాన్ని పెంచుకునేందుకు ఎల్&టీ రూ.1840 కోట్ల పెట్టుబడులు పెట్టనుంది.
* టాటా గ్రూపునకు చెందిన రక్షణ యూనిట్ సికోర్స్కీ ఎయిర్క్రాఫ్ట్ కార్ప్తో సంయుక్త సంస్థను ఏర్పాటు చేసింది. 2012 కల్లా ఉత్పత్తి ప్రారంభిస్తారు.
|
|
155 ఎమ్ఎమ్ గన్స్, టీసీఎస్
బీఎమ్ఎస్
డ్రై, వెట్ బ్రిడ్జ్లు, ఫ్యూజులు
బై మాడ్యులర్ ఛార్జ్ సిస్టమ్స్
స్పెషలిస్ట్ వాహనాలు
ఎయిర్ విజన్ గన్
మిసైల్ వ్యవస్థ
నైట్ విజన్ పరికరాలు