ఐటీ చెల్లింపుదారులకు సరికొత్త సంఖ్య
ఇతరత్రా లావాదేవీలకు ఆ సంఖ్యే ఆధారం
అక్టోబరు నాటికి అందుబాటులోకి
2010-11 నుంచే అమలులోకి!
'డిన్‌' ఎందుకంటే?: ఆదాయ పన్నుకు సంబంధించి ప్రతియేటా పన్ను మదింపు పత్రాలను సమర్పించటం తెలిసిందే. అధికంగా పన్ను చెల్లించిన వారు దానిని తిరిగి(రీఫండ్‌) పొందేందుకు దరఖాస్తు చేస్తుంటారు. ఇవేకాక ఇన్‌కం ట్యాక్స్‌ విభాగం నుంచి నోటీసులు, ఉత్తర్వులు, లేఖలు అందుతుంటాయి. ఈ వ్యవహారాలన్నింటిని మరింత వేగంగా, సులభంగా నిర్వహించటానికి, ఇతరత్రా సమాచారం తెలుసుకోవటానికి 'డిన్‌' ఎంతో ఉపయోగపడుతుందని అధికారులంటున్నారు.
ఆ సంఖ్య వేయకుంటే..
ఆదాయపు పన్ను విభాగం గాని, పన్ను చెల్లింపుదారులు గాని తాము జరిపే పన్ను సంబంధిత వ్యవహారాల పత్రాలపై 'డిన్‌'ను తప్పని సరిగా పేర్కొనాల్సిందే. అలా చేయకుంటే ఆ పత్రం చెల్లదు. డిన్‌ వినియోగం తప్పనిసరి చేస్తూ ఐటీ చట్టంలో '282బి' అనే సెక్షన్‌ను కొత్తగా చేర్చుతున్నారు.
అక్టోబర్‌ నుంచి అమలు!
ఆదాయపు పన్ను చెల్లింపుదారులకే కాదు ఆ శాఖ అధికారులకూ 'డిన్‌' కేటాయించేందుకు ఆధునిక సాంకేతిక ఆధారిత యంత్రాంగాన్ని ఇన్‌కం ట్యాక్స్‌ విభాగం సమకూర్చుకుంటోంది. అక్టోబరు కల్లా ఈ పని పూర్తి కావచ్చని భావిస్తున్నారు. 2010-11 ఆర్థిక సంవత్సరంలో ఐటీ రిటర్నులపై 'డిన్‌'ను వేయటం తప్పనిసరి కావచ్చు.
