'బ్రహ్మోస్‌' పరీక్ష విజయవంతం
సముద్రానికి సమాంతరంగా ప్రయాణించే క్షిపణులను యుద్ధనౌకల్లో అమర్చేందుకు నౌకాదళం ఏర్పాట్లు చేస్తోంది. బ్రహ్మోస్‌ను విజయవంతంగా పరీక్షించడంపై రాష్ట్రపతి ప్రతిభాపాటిల్‌, రక్షణ మంత్రి ఎ.కె.ఆంటోనిలు శాస్త్రవేత్తలను అభినందించారు.
* పొడవు- 9 మీటర్లు
* బరువు- 3 టన్నులు
* ఇంజిన్‌- రెండు అంచెల రాకెట్‌/ రామ్‌జెట్‌
* వేగం- 2.8 మ్యాక్‌
* పరిధి- 290 కిలోమీటర్లు
* పేలోడ్‌- 200 నుంచి 300 కిలోలు
* ఇలాంటి అనేక ఘటనలు క్షిపణుల వేగం పెరగాల్సిన ఆవశ్యకతను చాటిచెబుతున్నాయి. ముఖ్యంగా ఉగ్రవాద నాయకులు, సముద్ర దొంగల ఆటకట్టించడానికి, పరిమిత స్థాయి ఘర్షణల్లో అత్యంత వేగంగా ప్రయాణించే క్షిపణులు చాలా అవసరం.
* బ్రహ్మోస్‌.. ఈ అవసరాలను బాగా తీరుస్తుంది. ఇది సైన్యం చేతిలో ఉన్న ఏకైక సూపర్‌సొనిక్‌ క్రూయిజ్‌ క్షిపణి. ప్రపంచవ్యాప్తంగా అనేక దేశాలు వీటిని తయారుచేసే పనిలో నిమగ్నమయ్యాయి. అమెరికాకు చెందిన హార్పూన్‌ క్షిపణి కంటే బ్రహ్మోస్‌ మూడున్నర రెట్లు ఎక్కువ వేగంగా ప్రయాణిస్తుంది.
* బ్రహ్మోస్‌ను భారత్‌కు చెందిన రక్షణ పరిశోధన, అభివృద్ధి సంస్థ, రష్యాకు చెందిన ఎన్‌పీఓ మషినోస్త్రోయేనియా(ఎన్‌పీఓఎం)లు సంయుక్తంగా అభివృద్ధి చేశాయి. భారత్‌ రష్యాల్లో ప్రవహించే బ్రహ్మపుత్ర, మొస్కావా నదులకు గుర్తుగా ఈ క్షిపణికి నామకరణం చేశారు.
* అత్యంత సమర్థవంతమైన క్షిపణిగా ఇది పేరు తెచ్చుకుంది. భారత సైన్యంలోను, నౌకాదళంలోనూ ప్రవేశించింది. వైమానిక దళానికీ అందబోతున్నాయి. సుఖోయ్‌-30 యుద్ధవిమానాలకు వీటిని అమర్చేందుకు ప్రయత్నాలు జరుగుతున్నాయి.
* నౌకాదళ బ్రహ్మోస్‌ విషయానికొస్తే..రాడార్‌కు దొరకకుండా శత్రువుల యుద్ధనౌకలను నాశనంచేయగలదు. సముద్రంనుంచి సముద్రంలోని లక్ష్యాలకు, సముద్రం నుంచి నేలమీదున్న లక్ష్యాలను ధ్వంసం చేయగలదు.
* బ్రహ్మోస్‌ లాంచర్‌ నుంచి 8 క్షిపణులను 2-2.5సెకన్ల తేడాతో ప్రయోగించవచ్చు. క్షిపణికి మార్గమధ్యంలోనూ దిశానిర్దేశం చేయవచ్చు. నౌక డెక్‌కింద అమర్చేలా లాంచర్‌ను రూపొందించారు. అందువల్ల వాతావరణ పరిస్థితులనుంచి దీన్ని రక్షించవచ్చు.
* బ్రహ్మోస్‌-2 పేరిట.. హైపర్‌సొనిక్‌ క్రూయిజ్‌ క్షిపణులు తయారవుతున్నాయి. ఇవి మ్యాక్‌-4 కంటే ఎక్కువ వేగంతో దూసుకెళ్తాయి. మ్యాక్‌-6 వేగంతో లక్ష్యాన్ని తాకిన క్షిపణి మ్యాక్‌-1 క్షిపణి కంటే 36 రెట్లు ఎక్కువ విధ్వంసం కలగచేస్తుంది. బంకర్లు, అణు, జీవ ఆయుధ నిల్వ స్థావరాలను ఛేదించడానికి ఉపయోగపడతాయి.
